Глава 3

Франциск Скорина -

первый руский книгопечатник

_____________________________________________________ 

  «Братия моя русь, люди посполитые»*.

        «Понеже от прирожения звери, ходящие в пустыни, знають ямы своя; птици, летающие по воздуху, ведають гнезда своя; рибы, плывающие по морю и в реках, чують виры своя; пчелы и тым подобная бо­ронять ульев своих, — тако ж и люди, игде зродилися и ускормлены суть по бозе, к тому месту великую ласку имають».

       «Тако ж и мы, братия, не можем ли во ве­ликих послужити посполитому люду рускаго языка, сие малые книжки праци нашее прино­симо им».

       «Наболей с тое причины, иже мя милостивый бог с того языка на свет пустил».

       «В сей книзе, всее прироженое мудрости зачало и конец... вси за­коны и права, ими же люде на земли справоватися имають, пописаны суть... вси лекарства, душевные и телесные... навчение филозофии добронравное... справа всякого собрания людского и всякого града, еже верою, соединением ласки и згодою посполитое доброе помножено бываеть. Ту на­учение седми наук вызволеных достаточное. Хощеши ли умети граматику или по рускы говорячи, грамоту, еже добре чести и мовити учить, знайдеши в зуполной Бивлии... Пакли ти ся любить разумети логику,— она же учить з доводом розознати правду от кривды,— чти книгу светого Иова или Послания светого апо­стола Павла. Аще ли же помыслиши умети риторику, еже ест красномовность, чти книги Саломоновы. А то суть три науки словесные. Восхощеш ли пак учитися музики, то ест певници, премножество стихов и песней светых по всей книзе сей знайдеши. Любо ли ти ест умети аритметику, еже вократце и неомылне считати учить, четвертый книги Моисеевы часто чти. Пакли же имаши пред очима науку геометрию, еже по-руски сказуется землемерие, чти книгу Исуса Наувина. Естли астрономии или звездо­чети— найдеш на початку книги сее о сотво­рении солнеца и месеца и звезд... А то суть седм наук   вызволеных. Аще   ли   же   кохание имаши ведати о военных, а о богатырских делех, чти книги Судей... Потребуеши ли науки и мудрости добрых нравов... часто прочитай книги Исуса Сирахова, а Притчи Саломоновы».

 Франциск Скорина

 _______________________________

 * Цитаты Франциска Скорины взяты из книги: Подокшин С. А. «Франциск Скорина». Изд. «Мысль». Москва. 1981 г.

Титульный лист первой печатной книги на русском языке, которую

напечатал Франциск Скорина в городе Прага в 1517 году.